Хууль зүй, дотоод хэргийн сайд Х.Нямбаатар нүүрсний хулгайн хэрэгтэй холбоотойгоор мэдээлэл хийж байна. Тэрээр хэлэхдээ "Өнгөрсөн өдрүүдэд Сүхбаатарын талбай дээр нүүрсний гэх хулгайн хэрэгт холбогдсон хүмүүсийг олон нийтэд ил тод болгож зарла гэдэг иргэд, олон нийтийн шаардлагын дагуу мөрдөн шалгах ажиллагаа илүү эрчимжиж байгаа.
Харамсалтай нэг мэдээлэл байна.Сүхбаатарын талбайд үнэхээр зүрх сэтгэлийнхээ дуудлагаар, энэ улс оронд шударга ёсыг тогтоох, иргэдийн амьдрал ахуйг эрчимтэй сайжруулах, төр засгийн бодлогыг өгүүлж шаардсан дийлэнх иргэдийн чин зүрхний дуудлагаар хийгдэж байгаа жагсаал цуглаан байна.
Үүний хажуугаар захиалгатай, улс төрийн тогтворгүй байдлыг бий болгохыг зорьж байгаа, энэ хэрэгт холбогдон шалгагдаж байгаа хүмүүсийн жагсаал цуглаан байгаа гэдгийг иргэдэд давхар дуулгах нь зөв гэдгийг би ХЗДХ-ийн сайдын хувьд хэлье” гэв.
°C