Хөгжлийн банкны хэрэгт нэр холбогдоод буй УИХ-ын гишүүн Н.Алтанхуяг өнөөдөр Төрийн ордонд мэдээлэл хийлээ.
Мэдээллийн эхэнд тэрбээр "Би чуулганы танхимд байнга л үг хэлдэг. Гэтэл Хөгжлийн Банкны асуудал дээр бяр гаргаад миний үг хэлэх эрхэд халдаж, намайг яллагдагчаар татсан. Одоо шүүхэд шилжүүлж байгаа байх. Би ердөө ганц л зүйл хүсэж байгаа нь шүүх хурлаа нээлттэй явуулах. Хөгжлийн Банкнаас би нэг ам.доллар аваагүй, хүнд нэг ам.доллар өгөөгүй" гэв.
Мөн нүүрсний хулгайн асуудлаар " Энэ танхимд олон жил явсны хувьд харахад, жинхэнэ хулгайч нар нь үлдчих шиг болно лээ. Улаан цайм нүүрсний орд зарчихсан хүмүүс энд сууж байгаа. Тавантолгой дээр өөрийнхөө хүнийг тавиад, тэнд бүтэн команд ажиллуулаад, идэж уучихсан хүмүүс бий" гэлээ.
°C