Нүүрсний хулгайтай холбоотой асуудлаар Иргэдийн Оролцооны Нэгдэл Нам (ИОНН)-ын дарга Ц.Оюунгэрэл "Монгол Ньюс" төвд өнөөдөр мэдээлэл хийлээ.
Тэрбээр “Нүүрсний хулгайг шалгахаар УИХ-аас ажлын хэсэг гаргасан. Гэтэл тэр ажлын хэсэг дотор нь нүүрс тээвэрлэлттэй холбоотой Эдийн засгийн байнгын хорооны дарга Ц.Цэрэнпунцаг орж байгаа нь буруу. Хуультай хулгайг зохион байгуулагчид нь Эдийн засгийн байнгын хорооны гишүүд байдаг. Яагаад гэвэл, ашигт малтмалын бүх хууль Эдийн засгийн байнгын хороонд яригддаг. Ийм учраас ард түмний сургууль, цэцэрлэг, орчны эрүүл ахуйтай холбоотой бүх зардлыг хуваарилдаг Нийгмийн бодлогын байнгын хорооныхон үүнд идэвхтэй орж, ажлын хэсэгт ажиллах хэрэгтэй байна. УИХ-ын дарга Г.Занданшатарт хандаж УИХ-д байгуулагдсан нүүрсний хулгайтай холбоотой хуурамч ажлын хэсгээ татан буулга гэдгийг уриалж байна. Шинэ ажлын хэсэг байгуулж, Ашигт малтмалын хуульд огт ажиллаж байгаагүй иргэдийн үгийг сонсдог гишүүдийг оруулах хэрэгтэй. Олдохгүй байсан 30 их наяд төгрөг чинь эндээс гарч ирж магадгүй шүү. Бид уурхай дээр очоод шалгалаа хамгийн дээд тал нь 10 их наяд төгрөг гарлаа гээд хавтаст хэргээ хаах гэж Засгийн газар маш их яарч байна. Нүүрсний шалгалтыг дуусгах гэж битгий яар.Тиймээс Иргэдийн оролцооны намаас УИХ, Засгийн газарт хандаж, хуультай хулгайг таслан зогсоохыг шаардаж байна гэсэн мэдэгдэл гаргаж, шаардлага хүргүүлж байна" хэмээв.
°C