УИХ дахь МАН-ын бүлгийн хуралдаанаар боллоо. Хэлэлцсэн асуудлын талаар тус намын бүлгийн дарга Д.Тогтохсүрэн мэдээлэл хийв.
Тэрбээр "Төрийн болон орон нутгийн өмчит компаниудын тухай хуулийг намрын чуулганаар хэлэлцэн батлах нь зүйтэй гэж үзлээ. Аль болох нээлттэй болгох, менежментийг нь сайжруулах зайлшгүй шаардлагатай. Тиймээс ажлын хэсэг гарч ажиллана.
Нийгмийн бүхий л бүлгийг оруулж, үндэсний хэмжээний чуулган зөвлөгөөнийг зохион байгуулах шаардлагатай гэж үзэж байна. Нийгмийн зөвшилцлийн үндэсний чуулганыг зохион байгуулах хэрэгтэй. Энэ чиглэлээр УИХ, Засгийн газрын хамтарсан ажлын хэсэг гарахаар боллоо. 30 жилийн замналаа дүгнэж, ярилцах учиртай. Улс төр, эдийн засаг, бизнес, нийгэм гээд бүхий л чиглэлийг хамруулах нь зүйтэй" гэлээ.
°C