Эдийн засгийн байнгын хорооноос зохион байгуулж байгаа "Нүүрсний экспорт, тээвэрлэлттэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах" ерөнхий хяналтын сонсгол өнөөдөр 10 цагаас эхлэх товтой байв.
Гэвч Төрийн ордны А, Б, В, Г танхимд оролцогчдыг хувааж суулгаснаас үүдэн оролцогчдын эсэргүүцэлтэй тулгарч түр завсарлалаа. Иргэдийн зүгээс ерөнхий сонсголыг Төрийн ордны их танхимд зохион байгуулахыг шаардаж, иргэд, гишүүдийг ялгаж суулгасан нь ийнхүү маргаан үүсэхэд хүргэсэн юм.
Иймд Ерөнхий сонсголыг түр завсарлуулж, 13 цагаас Их танхимд үргэлжлүүлэхээр боллоо.
Нүүрсний хулгайчдын нэрсийг зарлахыг шаардсан иргэдийн тэмцэл 17 дахь өдрөө өнөөдөр үргэлжилж байна. Иргэдийн эсэргүүцлийн жагсаал эхлэхтэй зэрэгцэн УИХ-ын дарга Г.Занданшатар нээлттэй сонсгол зохион байгуулахаар болж өнгөрсөн өдрүүдэд бэлтгэл ажлыг хангасан ч ийнхүү зохион байгуулалтын алдаа гарсанаар түр завсарлуулаад байна. Иргэд нүүрсний хулгайтай холбоотой бүх албан тушаалтнуудтай нүүр нүүрээ харалцан ярилцаж, тайлбар сонсохыг хүсэж байгаа билээ.
°C