УИХ-ын гишүүн С.Одонтуяа, Б.Пүрэвдорж нар “Аж ахуйн нэгжүүдийг дэмжих” тогтоолын төсөл өргөн барьж байгаа аж. Үүнд, цар тахлын дараа эдийн засаг хүндэрсэн энэ үед ААН-ийн удирдлагуудыг гадаадад явахад нь албан паспорт олгох тухай асуудал хөндөгджээ.
Энэ талаар өнөөдөр УИХ-ын гишүүн С.Одонтуяа “Төрийн албан хаагч гадаадад ногоон паспортоор зорилоо гээд нэг долларын нэмэр төсөвт оруулахгүй. Харин зарлага л гарна. Үүний оронд ногоон паспортыг төрийн албан хаагчдад гэхээсээ баялаг бүтээгчдэд, бизнес эрхлэгчдэд эн тэргүүнд олгож байх хэрэгтэй. Тэд гаднаас сайн туршлага, ноу хау, технологи оруулж ирнэ. Хөрөнгө оруулалтын боломж нээх, шинэ техник технологи оруулж ирэхийн тулд бизнес эрхлэгчид виз хүлээж цаг алддаг. Ядаж цагийг нь хэмнэхэд төр чадах зүйлээрээ туслах хэрэгтэй гэв.
Харин УИХ–ын гишүүн Б.Пүрэвдорж “Сумын Тамгын газрын дарга албан паспорт аваад гадаадад зорчдог. Тэнд очоод гадаад хэлгүй учраас гайхаж байгаад бүтээсэн ажилгүй зорчдог зүйл байгаа.
Татвар, хураамж, шимтгэл төлсөн хэмжээгээр нийслэлд эхний 90, 21 аймгийн хувьд эхний 10, улсын хэмжээнд эхний 200-д орсон ААН-ийн удирдлагад албан паспорт олгохоор төсөлд тусгасан.
Тийм учраас эдгээр ААН-ийн удирдлагыг гадаадад чөлөөтэй зорчуулах, бусад ангиллаар үйлчлүүлэхэд давуу тал бий болгох, бизнесээ хурдан шуурхай үргэлжлүүлэх боломжоор хангах зорилгоор уг тогтоолын төслийг өргөн барьж байна.
Жишээлбэл, Ховд аймагт гэхэд эхний 10-т орсон ААН-ийн удирдлагад албан паспорт олгоно. Хэрвээ дараа жил өөр компани ороод ирвэл байр нь солигдоно.
Албан паспортыг хоёр жилийн хугацаатай олгодог. ААН-үүд илүү сайн татвар төлж, өрсөлдөнө гэсэн үг. Төр тэдний төлсөн татвараар бизнесийн таатай орчныг бий болгох нь чухал юм.Бизнесийг төрөлжүүлэх, гадаадын хөрөнгө оруулалтыг татахад албаны паспорт чухал үүрэгтэй ” хэмээв.
°C