Улаанбаатар хотын Ерөнхий менежер Д.Ганболдыг үүрэгт ажлаас нь чөлөөлсөн байна. Түүнийг ажлын хариуцлага алдаж, яаралтай үед асуудлыг шийдвэрлэж чадаагүй гэх шалтгаанаар ажлаас нь чөлөөлсөн аж. Тодруулбал, хотын Ерөнхий менежер нь аж ахуйн ажлуудыг хариуцан шийдвэрлэх ёстой байдаг. Тэгвэл Д.Ганболдын тухайд өнгөрсөн хугацаанд нийслэлд орсон их хэмжээний цасны улмаас авто зам болон явган зам дээр үүссэн халтиргаа гулгааг шийдвэрлэхээр давс, бодис цацах ажлыг зохион байгуулж чадаагүй юм. Тэрбээр нийт нэг тэрбум төгрөгийн давс бодисын тендер зарлах ёстой ч зарлаагүй, зохион байгуулалт хийгээгүй, хугацаа алдсан гэх мэдээллийг албаныхан өглөө.
°C