Эрүүл мэндийн сайдаар С.Чинзориг, Барилгын сайдаар Ц.Даваасүрэн, Боомтын сайдаар Х.Булгантуяаг дэвшүүллээ

Монгол Ардын Намын Удирдах зөвлөлийн хурлаар Эрүүл мэндийн сайдаар С.Чинзориг, Барилга, хот байгуулалтын сайдаар Ц.Даваасүрэн Боомтын сэргэлтийн сайдаар Х.Булгантуяа нарыг дэвшүүлэхээр боллоо.

Эрүүл мэндийн сайд асан С.Энхболдыг албан тушаал бууруулж, дэд сайд болгосон юм.  Мөн УИХ-ын Дэд даргаар УИХ-ын гишүүн Л.Мөнхбаатарыг томилох асуудлыг хэлэлцэн дэмжлээ. 

• Байгаль орчин, аялал жуулчлалын Дэд сайдаар “Таван толгой түлш” компанийн захирлаар ажиллаж байсан М.Ганбаатар
• Одоо Байгаль орчин, аялал жуулчлалын Дэд сайдаар ажиллаж байгаа Г.Түвдэндоржийг Эдийн засаг, хөгжлийн яамны Дэд сайдаар
• Цахим хөгжил, харилцаа холбооны Дэд сайдаар хуульч Ж.Эрхэмбаатар
• УУХҮ-ийн Дэд сайдад Цэндсүрэнг дэвшүүлэв. Тэрбээр энэ салбарт олон жил ажилласан туршлагатай гэв.

УИХ-ын гишүүн, Эдийн засгийн хөгжлийн сайд Ч.Хүрэлбаатарыг Шадар сайдаар томилохоор нэр дэвшүүлсэн байна. Засгийн газар сайд нарын томилгоог эцэслэхээр ээлжит бусаар хуралдана.