УБТЗ-ын Тээвэр зохион байгуулалтын албаны орлогч даргa С.Батдөлийн гэр, түүний хамаарал бүхий этгээдийн объектоос долоон тэрбум төгрөг бэлнээр, 3 тэрбум төгрөгийн үл хөдлөх хөрөнгийн гэрчилгээ хураан авсан нь өнгөрсөн долоо хоногт олон нийтийн анхаарлын төвд байсан.
Түүнийг 48 цагийн хугацаатай цагдан хорьсон ч өчигдөр сулласан гэх мэдээлэл цахим орчинд гарч иргэдийн шүүмлэлийн бай болсон. Тэгвэл прокурорын байгууллагаас түүнийг нэг сар цагдан хорих саналыг шүүхэд хүргүүлжээ.
Шүүхээс цагдан хорих эсэхийг шийдэх шүүх хурлыг маргааш буюу энэ сарын 9-ний өдрийн 10:00 цагт Баянгол дүүргийн эрүүгийн хэргийн анхан шатны шүүхэд товлосон байна.
°C