Ерөнхийлөгч асан Х.Баттулга "Нүүрсний хэрэг"-т нэр холбогдон АТГ-т байцаалт өгснийхөө дараа эрүүл мэндийн шалтгаанаар гэж хэлээд БНСУ-ыг зорьсон байдаг. Түүнийг хэргээс зугтаж гадагшаа зугтлаа, буцаж ирэхгүй хэмээж байсан. Тэгвэл Х.Баттулга өнгөрсөн амралтын өдрүүдэд эх орондоо буцаж ирж, Жүдо бөхийн УАШТ-ийг үзэж суугаа зураг цацагдсан юм.
Түүний эх орондоо буцаж ирсэн шалтгааны учир өнөөдрөөс тайлагдаж байна. Тэрбээр С.Баярцогтыг цагаатгасан шүүгчийг шалгуулах өргөдлөө Үндсэн хуулийн цэцэд өглөө. Тодруулбал Х.Баттулга цэцийн гадна сэтгүүлчдэд мэдээлэл хийж Ерөнхий шүүгч Д.Ганзориг болон АН-ын даргад нэр дэвшигч С.Баярцогт нарыг шалгахыг шаардаж буйгаа хэллээ.
Өнгөрсөн баасан гарагт хуралдсан АН-ын ҮБХ-ны хурлаар С.Баярцогт нарын зургаан хүн намын даргад өрсөлдөх хүсэлтээ илэрхийлсэн. Эдгээр хүмүүсийн нэг нь АН-ын тамгыг атгах нь бараг тодорхой болоод байгаа. Учир нь хоёр хуваагдаад тамгаа булаацалдаж байсан АН-ынхан нэг талдаа гарч ирэх сонгуулиудад нэг туган дор оролцохоор болсон. Харин нэр дэвшигчдээс С.Баярцогт сонгогдох магадлал өндөр байгаа тул экс Ерөнхийлөгч ийнхүү яаран сандран эх орондоо ирж, ҮХЦ-ийг зорьж буй нь энэ аж.
°C