Ардчилсан намын нөгөө тал болох УИХ-ын гишүүдтэй тал ҮБХ-ны хурлаа хийж Л.Гантөмөрийг АН-ын даргаар сонгосон. Тэд өнгөрөгч баасан гарагт УДШ-д холбогдох бичиг баримтаа хүлээлгэн өгч, Л.Гантөмөрийг батламжилж өгөхийг хүссэн юм.
Тэгвэл энэ үйл явдалтай зэрэгцэн С.Эрдэнийн талын АН-ынхан намын даргад нэр дэвшигчдээ зарлаж, нэр дэвшигчийн үнэмлэхийг нь гардуулан өгсөн. Улмаар амралтын өдрүүдэд сонгуулиа явуулж намын даргаараа УИХ-ын гишүүн, УИХ дахь АН-ын бүлгийн дарга, АН-ын ҮБХ-ны дарга Д.Ганбатыг сонголоо.
Тэгвэл одоогоор Улсын Дээд шүүх хоёр талын АН-ын альных нь хүсэлтийг хүлээж авч, батламжлах эсэх нь олон нийтийн анхаарлыг татаж эхлээд байна. Ардчилсан намын энэ сарын эхээр эвлэрлийн Ажлын хэсэг байгуулж, 2024 оны сонгуульд нэг нэрийн дор оролцохоор болсон тухайгаа мэдэгдэж байсан ч долоо хоногийн зайтай хоёр өөр хурал зохион байгуулж, тусдаа намын даргын сунгаа хийлээ.Энэ үйл явдлаас харахад эрх баригч нам ирэх оны сонгуульд дахин өрсөлдөгчгүй оролцох нь гэх хардлага бий болж байгааг улс төр шинжээчид хэлж байна.
°C