УИХ-аас байгуулсан Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсголыг зохион байгуулж буй. Эхний сонсгол энэ сарын эхээр явагдаж дууссан бол ирэх долоо хоногт хоёр дахь удаагаа зохион байгуулах гэж байна. Үүнтэй холбогдуулан Түр хорооноос өнөөдөр мэдээлэл хийлээ.
Энэ үеэр УИХ-ын гишүүн, Түр хорооны дарга Б.Энхбаяр
Нэгдүгээрт, Хөгжлийн банкинд хяналт шалгалт хийгдэж байсан байдлыг хэлэлцэнэ. Үүнтэй холбоотой 21 хүнийг гэрчээр дуудна.
Хоёрдугаарт, Хөгжлийн банкны охин компани болох DBM лизинг компаниас санхүүжүүлсэн үйл ажиллагааны үр дүн, эргэн төлөлттэй холбоотой асуудлыг хэлэлцэнэ. Үүнтэй холбоотой 35 гэрч дуудагдана.
Гуравдугаарт, Хөгжлийн банкнаас санхүүжүүлсэн, төсөвт суусан Засгийн газрын төсөл, хөтөлбөрийн багц гэсэн асуудлыг хэлэлцэнэ. Энэ бол зээл биш. 2012-2016 онд Хөгжлийн банкнаас улсын төсөвт суулгаж эргэн төлөгдөх нөхцөлтэйгөөр санхүүжүүлсэн 350 орчим төсөл арга хэмжээний үр дүнг сонсоно. Үүнээс тодруулах шаардлагатай 43 гэрчийг дуудна. Тухайлбал, Ерөнхий сайд асан Н.Алтанхуяг, Эдийн засгийн хөгжлийн сайд асан Н.Батбаяр, Үйлдвэр, хөдөө аж ахуйн сайд асан Х.Баттулга, Зам, тээврийн сайд асан А.Гансүх, Барилга, хот байгуулалтын яамны төрийн нарийн бичгийн дарга асан Р.Эрдэнэбүрэн, "Түмэн хишигтэн" ХХК-ийн хувьцаа эзэмшигч Баттулгын Хүлэгт, Намуун, Номин нар гэрчээр дуудагдана гэж мэдэгдэв.
Түүнчлэн Хөгжлийн банкны сонсголд ирээгүй албан тушаалтныг ажлаас нь хална. Гэрчээр дуудагдсан ч ирээгүй бол захиргааны арга хэмжээ авна гэдгийг энэ үеэр онцоллоо.
Хоёр дахь удаагийн сонсголыг ажлын гурав хоногт багтаан дуусгах аж.
°C