ОХУ-ын Ерөнхийлөгч Владимир Путин Украин Оросын газар нутаг руу дайрахад барууны орнуудыг зэвсгээ ашиглуулахгүй байхыг анхаарууллаа.
Тодруулбал тэрбээр “НАТО-ийн гишүүн орнууд Украинд зэвсгээ ашиглуулах нь галаар наадаж буйгаас ялгаагүй бөгөөд энэ нь дэлхийн хэмжээний мөргөлдөөнийг өдөөх эрсдэлтэй” гэсэн байна.
Хоёр жилийн өмнө Орос-Украины дайн эхэлснээс хойш Путин дайнд барууны орнууд оролцох нь илүү өргөн цар хүрээний мөргөлдөөнийг өдөөх эрсдэлтэйг сануулсаар буй.
НАТО-ийн Ерөнхий нарийн бичгийн дарга Йенс Столтенберг The Economist сэтгүүлд өгсөн ярилцлагадаа Украин ОХУ руу довтлоход НАТО-ийн гишүүн орнууд зэвсгээр туслах ёстой гэдгийг хэлсэн. Үүнтэй зарим гишүүн орнууд санал нэгдэж байгаа ч АНУ эсэргүүцсэн юм.
Украины нутаг дэвсгэрийн 18 хувь орчмыг захирдаг ОХУ сүүлийн өдрүүдэд Харьков муж орчимд шинэ фронт нээгээд байгаа нь барууны орнуудыг Украиныг зэвсгийн тусламжаар хангахад хүргэсэн.
Эх сурвалж: Reuters
°C