АНУ-ын Ерөнхийлөгчийн сонгууль ирэх долоо хоногт болно.
Бүгд найрамдах намаас нэр дэвшигч Дональд Трамп энэ сарын эхээр Камала Харрисыг “Танин мэдэхүй, тэсвэр хатуужил, авхаалж самбаа”-ний шалгалт өг хэмээн хэлж байв.
Харин Ардчилсан намаас нэр дэвшигч Камала Харрис өчигдөр CBS телевизэд өгсөн ярилцлагынхаа үеэр Трампын дээрх үгэнд хариу өгч, IQ-гаа шалгуулахад бэлэн хэмээгээд, Трампыг ч мөн цуг шалгуулахыг уриалсан юм.
Камалаг нэр дэвших болсноос хойш Трамп түүний оюун ухаан, гарал үүсэл болон улсаа удирдах чадварыг нь басамжилж, элдэвээр хэлж эхэлсэн.
Энэ талаар Камала "Трамп улам тогтворгүй болж байна. Түүнд Америкийн ард түмний төлөө ямар нэг зүйл хийх төлөвлөгөө байхгүй учраас ингэхээс өөр аргагүй болсон гэж харж байна" гэжээ.
Цагаан ордноос Дэд ерөнхийлөгч Камала Харрисын энэ оны дөрөвдүгээр сарын эрүүл мэндийн үзүүлэлт дээр нь үндэслэн "эрүүл мэндийн байдал маш сайн" гэсэн дүгнэлт гаргасан.
Харин Трамп Камалатай ижил эрүүл мэндийн дүгнэлтээ олон нийтэд танилцуулаагүй юм.
Эх сурвалж: USA Today
°C