Boeing: Эрэлтээс шалтгаалан санхүүжилтийн хэмжээгээ өсгөж магадгүй
“Boeing” компани зээлжих зэрэглэлээ буурахаас сэргийлж хөрөнгийн хөрвөх чадвараа нэмэгдүүлэхээр үнэт цаас гаргаж, 15 тэрбум ам.долларын хөрөнгө оруулалт татахаар төлөвлөж байгааг ойрын эх сурвалж мэдээллээ. Хэдий тийм боловч эрэлтээс шалтгаалан санхүүжилтийн хэмжээгээ өсгөж магадгүй байгаа бөгөөд боломжит хөрөнгө оруулагчидтай уулзахаар төлөвлөж байгаагаа тодотгож байна.
Тус компани аравдугаар сарын 23-нд АНУ-ын Үнэт цаасны арилжааны комиссоос үнэт цаас гаргах зөвшөөрлөө хүлээн аваад байгаа юм.
Хэрвээ нэмэлтээр 15 тэрбум ам.доллартой дүйх хувьцаа санал болговол 2020 онд “T Mobile US” компанид эзэмших хувьцаагаа зарсан “SoftBank”-ийн дүнгээс ч давахаар байгааг “Bloomberg”-ийн шинжээчид тооцоолжээ.
Сүүлийн байдлаар тус компанийн дөрвөн жилийн турш ажилтнуудынхаа цалинг шат дараатай 35 хувиар нэмэгдүүлэх саналд Үйлдвэрчний эвлэл нь татгалзсанаар ажил хаялт үргэлжилсэн хүндхэн нөхцөл байдалтай байна.
°C