Хүмүүс бид байгалийн сайханд гарья, ой модтой, устай газар очъё гэдэг. Ой руу ороод л дуртай самар жимс, эмийн ургамлаа түүж авна. Түлээ түлшээ, байр, байшин, тавилга сэлт хийх модоо авна. Хүссэн бүхнээ ойгоос үнэгүй хэрэглэнэ. Гэвч эргээд хайрлах нь тун ховор. Шатаана, хугална, хогоо хаяна. Дээрээс нь модод байгалийн хатуу ширүүнд өртөнө, өвчилнө, ойн хөнөөлт шавжид идэгдэнэ. Хөөрхий дөө
Ойн хөнөөлт шавжид идэгдсэн, түймэрт өртсөн талбайг нөхөн сэргээх, мод тарьж ойжуулах хүндхэн ажлыг ойчид маань хийсээр ирсэн.
Дархан-Уул аймгийн Хонгор сумын нутаг Зурамтайн 180 орчим га талбайг нарсны тарьцаар ойжуулах ажил тэртээ 1989, 90- ээд онд эхэлжээ. Өнөөдөр тэнд ТАРИМАЛ ОЙ СҮНДЭРЛЭЖ байна.
Ойд дотор явахад ямар хайр хүргэм гээч. Яг л цэрэг эрс жагссан юм шиг шулуун шугамд нэгэн жигд ургажээ. Нас бие гүйцэж эргэн тойронд нь нялх хөөрхөн модод сэргэн ургажээ. Одоо энэ ойд ойн арга хэмжээ болох сийрүүлэх огтлолт хийж чанаржуулах хэрэгтэй болсон.
Зурамтайг ойжуулах ажлыг эхлүүлэхэд тэр үед Байгаль Хамгаалах газрын дарга байсан С.Дашдаваатай ярилцлаа.
Ойтойгоо зөв харьцаж чин үнэнчээр хайрлаж, өсгөж, үржүүлэх ажлыг ойчид маань хийнэ. Хийсээр ч ирсэн. Таримал ой бий болгоход санаачлан эхлүүлж, хувь нэмрээ оруулж яваа олон ойчидтойгоо уулзаж, тэдний хийсэн бүтээсэнтэй танилцаж явна. ЗГХА Ойн газар дахин байгуулагдсанд ойчид маань их л талархаж, “Эзэнтэй болсондоо бид. Ойн бодлого зөв явагдаасай, залуучууд шинэ шатанд аваачих байх” хэмээж байсан даа. Та нартаа Ой модны салбар үүсэж хөгжсөний 100 жилийн ойн баярын мэнд хүргэе
°C