Энэ удаагийн ээлжит бус арван наймдугаар хуралдаанаар Төрийн дээд шагналд уламжлах тухай, Дүүргийн иргэдийн Төлөөлөгчдийн Хурлын 2024 оны ээлжит сонгуулийн хэсэг байгуулах тухай асуудлыг хэлэлцсэн. Аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хуулийн 13 дугаар зүйлийн 13.1 дэх хэсэгт Сонгогчийн санал авч, тоолох зорилгоор сум, дүүргийн иргэдийн Төлөөлөгчдийн Хурал сонгуулийн хэсгийг ээлжит сонгуулийн жилийн 06 дугаар сарын 01-ний өдрөөс өмнө байгуулж, хэсгийн нутаг дэвсгэр, төвийг зарлана гэж заасан. Дүүргийн иргэдийн Төлөөлөгчдийн Хурлын өмнөх хуралдаануудаар Улсын Их Хурлын сонгуулийн 124 хэсгийг байгуулсан. Үүнд өөрчлөлт оруулахгүйгээр хороодын сонгуулийн хэсгийг мөн 124 байхаар тогтоолын төслийг боловсруулан юм. Дээрх асуудлыг өнөөдрийн хуралдаанаар хэлэлцэж төлөөлөгчдийн олонхын саналаар дэмжиж баталлаа.
Мөн хуралдааны эхэнд Баянзүрх дүүргийн хэмжээнд гэмт хэрэг, зөрчлөөс урьдчилан сэргийлэх чиглэлээр хийж хэрэгжүүлсэн ажлыг танилцуулсан. Тухайлбал Гэмт хэргээс урьдчилан сэргийлэх ажлын хүрээнд “Гэр бүлийн өдөрлөг”, “Амар тайван амьдралын төлөө” нээлттэй хаалганы өдөрлөг зохион байгуулж иргэдэд мэдээлэл хүргэсэн. Албан хаагчдыг чадавхжуулах хүрээнд Баянзүрх дүүргийн Эрүүгийн хэргийн анхан шатны шүүх, Прокурорын газар, Нийслэлийн цагдаагийн удирдах газрын Мөрдөх шалгах газартай тус тус хамтран сургалт хийсэн. Ерөнхий боловсролын сургуулийн орчинд хүүхдийг зам тээврийн осолд өртөж, хохирохоос сэргийлж дүүргийн зарим сургуулийн замд анхааруулга бүхий шар бүсийг байгуулсан. Баянзүрх дүүргийн Гэмт хэргээс урьдчилан сэргийлэх салбар зөвлөл нь хийж хэрэгжүүлж буй ажлын хүрээнд бусад дүүргүүдээ манлайлж ажиллаж байгааг мэдээлэл өгөх үеэр танилцуулсан. Үүнээс гадна гэмт хэргийн гаралт өмнөх оны мөн үеэс 37.4 хувир буурсан байна.
°C