УИХ-ын 1996 оны тогтоолоор хэлмэгдэгсдийн дурсгалыг хүндэтгэх өдрийг жил бүрийн 9 сарын 10-нд тэмдэглэн, 1937 оноос эхтэй улс төрийн болон сэхээтнүүдээ хэлмэгдүүлсэн гунигт өдрийг дурсан санадаг байхаар тогтсон билээ.
Харь нутагт хилийн дээс алхаад эргэж ирээгүй буюу хуучнаар ЗХУ одоогийн ОХУ-ын Комарова тосгоны Бутова сууринд хоригдож цаазлуулсан иргэдийнхээ дурсгалыг МУ-ын Цагаатгах ажлыг удирдан зохион байгуулах улсын комисс болон Баянзүрх дүүргийн ИТХ-ын ажлын албаныхан өнөөдөр хүндэтгэж гэрэлт хөшөөнд цэцэг өргөлөө
Үндэсний цэцэрлэгт хүрээлэнд буй эл хөшөөний эх хувь ОХУ-д хар өнгөөр их хэлмэгдүүлэлтэд өртсөн 249 хүний нэрийг сийлсэн байдалтай оршдог. Харин эх орондоо элгэн саданд нь ойр байдлаар цагаан боржин чулуугаар гэрэлт хөшөөг босгосон нь энэ юм
Гэрэлт хөшөө боссон цагаас хойш гурав дахь жилдээ хэлмэгдэгсдийн ар гэр, үр хойч болон Цагаатгах ажлыг удирдан зохион байгуулах улсын комисс болон Баянзүрх дүүргийн ИТХ-ын ажлын албаныхан хүндэтгэл үзүүлж байна
Цаашид гэрэлт хөшөөнд гэрэл нэмэх ойр орчмыг тохижуулах зэргээр засахаар төлөвлөжээ.
Монгол улсын түүхэнд хар толбо үлдээсэн их хэлмэгдүүлэлтийн гунигт он жилүүдийг хамаг монголчууд бүү мартагтун
°C