Ерөнхийлөгч Дональд Трамп хоёр дахь бүрэн эрхийнхээ эхний өдөр АНУ-ыг Парисын уур амьсгалын хэлэлцээрээс гаргах, холбооны засгийн газарт ажилтан нэмж авахыг зогсоож, харин холбооны ажилчдыг албан тушаалдаа буцаж ирэхийг шаардсан захирамжинд гарын үсэг зурав. Тэрээр үүнээс гадна хэд хэдэн захирамж, тушаалд гарын үсэг зурсны заримаас дурдвал:
- 2021 оны 1-р сарын 6-ны өдөр АНУ-ын Капитол буюу төр захиргааны байр луу хийсэн халдлагын хэрэгт буруутгагдаж буй 1500 хүн өршөөлд хамрагдах болно гэсэн нь бараг оролцсон бүх хүн бөгөөд тэднийг бүрэн өршөөх болно гэжээ.
- Трамп TikTok-ийн сүлжээний хоригийг хэрэгжүүлэх хугацааг 75 хоногоор хойшлуулах тухай баримт бичигт гарын үсэг зуржээ.
- Тэрээр Байдены үеийн холбооны агентлагууд хүйсээр ялгаварлан гадуурхах хоригийг сунгахыг шаардсан гүйцэтгэх тушаал, трансжендер хүмүүсийг цэргийн алба хаахыг зөвшөөрсөн тушаал, хувийн хорих ангитай хийсэн гэрээг сунгахыг хориглосон тушаал зэрэг 78 тушаал, зарлигийг цуцалсан.
- Трамп АНУ-ыг Дэлхийн Эрүүл Мэндийн Байгууллагаас гаргахаа мэдэгдсэн. Түүний тушаалд ДЭМБ АНУ-аас "шударга бус төлбөр төлөхийг шаардсаар байна" гэжээ.
°C