УЛСЫН ОНЦГОЙ КОМИССООС ТҮЙМЭРТ ӨРТСӨН ӨРХҮҮДЭД ТУСЛАМЖ ХҮРГҮҮЛЛЭЭ


Монгол Улсын Шадар сайд, Улсын Онцгой Комиссын Шуурхай хэсэг хээрийн түймэр гарсан Хэнтий, Дорнод, Сүхбаатар аймагт ажиллаж байна. Хээрийн түймэрт өртөж орон гэргүй болсон иргэдэд иж бүрэн гэр, хувцас, хоол хүнсний тусламж, эрүүл мэнд болон сэтгэл зүйн үйлчилгээ үзүүлж байна. 

Хээрийн түймэрт 38 гэр,  дөрвөн автомашин, хоёр мотоцикл, 48 хашаа саравч, 3000 гаруй  бог, 48 бод мал, 3500 гаруй  боодол өвс өртсөн гэсэн урьдчилсан мэдээллийг ОБЕГ өгсөн. Хохирлын хэмжээ эцэслэгдээгүй байгаа юм. Хээрийн түймэр гарсан аймгуудад шүүхийн шинжилгээний ерөнхий газраас томилогдсон ажлын хэсэг ажиллаж нөхцөл байдлын үнэлгээ хийх, гал түймрийн эрсдэлийг тогтоох, малын сэг зэмийг нэн дариу устгалд оруулах, халдваргүйтгэл хийх зэрэг ажлыг зохион байгуулж байна. УОК-оос түймэрт өртсөн өрхүүдэд нийт 400 сая төгрөгийн тусламж хүргүүлэн иргэдийг эрүүл мэндийн үзлэгт хамруулж, сэтгэл зүйн зөвлөгөө өгөхийн зэрэгцээ орон гэргүй болсон  айл өрхөд  иж бүрэн гэр, дулаан хувцас хэрэглэл, хоол хүнс, эмийн багц бүхий тусламжийн бараа хүлээлгэн өглөө.

ДОРНОД АЙМГИЙН ХӨЛӨНБУЙР СУМЫН 57 АЙЛ ӨРХ ТҮЙМЭРТ ӨРТЖЭЭ 

Дорнод аймагт гарсан гал түймэрт өртөж хамгийн их хохирол амссан нь Хөлөнбуйр сумын Батхаан баг юм.  Батхаан багийн нутаг дэвсгэрт нийт 70 айл өрх өвөлжиж байснаас 60 орчим айл өрх их бага хэмжээгээр гал түймэрт өртөж, хохирол амссан бол одоогийн байдлаар  6000 гаруй мал хорогдоод байна. Батхаан багийн хэмжээнд  47 мянган га газар түймэрт өртсөн нь нийт газар нутгийн 35 хувийг хамарчээ.  Аймаг, сум орон нутгийн удирдлагууд гал түймэрт өртсөн малчдынхаа амьжиргааг дэмжихэд онцгойлон анхаарч ажиллаж байгааг  хэллээ.  Зарим малчдаас мал угаартлаа, тодорхойгүй шалтгаанаар үхэж байна гэх дуудлага ирж буйг нутгийн удирдлагууд хэлж байна. Тиймээс цаашид малын эм тарианы хэрэгцээ шаардлага их гарч болзошгүй байна.

БАЯН-ОВОО СУМЫН СҮМБЭР БАГТ ГАРСАН ГАЛ ТҮЙМРИЙН УЛМААС НИЙТ 30.800 ГА ГАЗАР ШАТСАН

Хэнтий аймгийн Баян-Овоо сумын Сүмбэр багт гарсан гал түймрийн улмаас нийт 30.800 га газар шатсан бөгөөд урьдчилсан байдлаар таван айлын долоон гэр, саравч, хашаа, 300 гаруй толгой мал үрэгджээ.  Түймэрт өртсөн талбай, айл өрхүүдийн болон нийт хохирлын хэмжээг тогтоохоор холбогдох мэргэжлийн байгууллагууд ажиллаж байна. Гал түймэрт өртсөн айл өрхөд СЭМҮТ,  ЭМЯ, МЭЕГ-ын холбогдох мэргэжилтнүүд зөвлөгөө өгч ажиллалаа.

ТҮЙМЭРТ ӨРТСӨН АЙЛ ӨРХҮҮДИЙГ МАЛЖУУЛАХ ХӨТӨЛБӨРТ ХАМРУУЛНА

Хүний санамсар болгоомжгүй, хэнэггүй  үйлдлээс болж гарсан ой хээрийн түймэр малчдад том хохирол учруулаад байна. Ой, хээрийн түймэр нь бага цагт их талбайг хамардаг гэдгийг онцгой байдлын алба хаагчид хэлж байлаа. Түймэр гарсан газарт салхины хурд 6-18 м/секунд хүртэл салхилсан учраас түймэр их талбайг хамарсан тухай  ОБЕГ-аас мэдээллээ. Цаашид хээрийн түймэрт өртсөн айл өрхүүдийг малжуулах хөтөлбөрт хамруулах зэргээр тусалж дэмжих юм.


0
angry
0
care
0
haha
0
liked
0
love
0
sad
0
wow

Шинэ мэдээ
УЛСЫН ОНЦГОЙ КОМИССООС ТҮЙМЭРТ ӨРТСӨН ӨРХҮҮДЭД ТУСЛАМЖ ХҮРГҮҮЛЛЭЭ 2025/03/13
Морин хуурын найрал хөгжим Чехийн Ерөнхийлөгчийн ордонд тоглолтоо толи… 2025/03/12
Чехийн Үндэсний музейд “Чингис хаан” олон улсын үзэсгэлэн нээлтээ хийл… 2025/03/11
1000 АХМАДАД ТӨВ АЙМГИЙН МАН-ЫН ХОРОО ХҮНДЭТГЭЛ ҮЗҮҮЛЖ, ЗОЛГОЛТ ХИЙЛЭЭ 2025/03/10
ЗГХЭГ-ЫН ДАРГА Н.УЧРАЛ: ЗӨВШӨӨРЛИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУ… 2025/03/10
Монгол Улсын Ерөнхийлөгч У.Хүрэлсүх Есөн хөлт цагаан туганд хүндэтгэл … 2025/03/01
“Чингис хаан” музейд Их хааны алтан хөшөөг заллаа 2025/03/01
Сар шинийн баярт зориулсан хүчит 256 бөхийн барилдаанд Улсын аварга О.… 2025/02/28
“Ерөнхийлөгчийн илгээлт-2100” хөтөлбөрийн эздэд захиа, даалгавар гарду… 2025/02/06
"Амар байна уу 2025" үзэсгэлэн худалдаанд 1000 гаруй ЖДҮ эрхлэгч оролц… 2025/02/04
МОНГОЛ УЛС “ENVISION” КОМПАНИТАЙ ХАМТРАН 500 МВТ ЭРЧИМ ХҮЧНИЙ БАТАРЕЙ … 2025/02/04
Ирэх сарын 1-нээс автобусаар зорчихдоо 1000 төгрөг төлөх тогтоол хэрэг… 2025/01/29
“Атар-4 тариалангийн тогтвортой хөгжлийн аян”-ыг ирэх сарын 01-нээс эх… 2025/01/29
АДУУН СОЁЛЫГ ДАГАЛДАЖ ЯРИГДАХ ТӨРД ДУУЛГАХ ГУРВАН АСУУДАЛ 2025/01/28
Озеки Хоошёорюү С.Бямбасүрэн Хацү башёд түрүүлж, Японы эзэн хааны цомы… 2025/01/27
ТАМХИНААС ШАЛТГААЛСАН ӨВЧЛӨЛ НЭМЭГДЭЖ БАЙНА 2025/01/27
Монгол Улсын Ерөнхийлөгч У.Хүрэлсүх нисгэгчгүй нисэх хэрэгсэл жолоодло… 2025/01/27
АДУУНЫ СОЁЛОО АЛДАХ УУ, АЯЛАЛ ЖУУЛЧЛАЛЫН БРЭНД БОЛГОХ УУ? 2025/01/27
Ардчилсан Монгол Улсад адуучин залууст үгээ хэлж, үзэл бодлоо илэрхийл… 2025/01/26
Морин уралдаанаа мэргэжлийн, спортын байлгах талаар ярих цаг нь болжээ 2025/01/25