Хүнс, хөдөө аж ахуй, хөнгөн үйлдвэрийн яам “АТАР IV” Тариалангийн тогтвортой хөгжлийн аянг хэрэгжүүлж эхлээд байна.
Аяны хүрээнд тариалангийн дэвшилтэт технологийг нэвтрүүлж, хөрс, уур амьсгалын онцлогт тохирсон шинэ болон ашигт таримлыг нутагшуулах, тэжээлийн үйлдвэрлэлийг нэмэгдүүлэх замаар газар тариалан, мал аж ахуйн төгс хослолыг бий болгож, хүнс, хөдөө аж ахуйн салбарыг эдийн засгийн тулгуур салбар болгон хөгжүүлэх юм.
Хүнс, хөдөө аж ахуй, хөнгөн үйлдвэрийн яамнаас хэрэгжүүлж байгаа “АТАР IV” Тариалангийн тогтвортой хөгжлийн аяны хүрээнд дараах чиглэлээр үйл ажиллагаа явуулж буй иргэн, аж ахуйн нэгжүүдэд 450 тэрбум төгрөгийн хөрөнгө оруулалтын хөнгөлөлттэй зээлийг арилжааны банкны эх үүсвэрээр олгоно. Зээлд хамрагдах чиглэлтэй танилцана уу.
• Иж бүрэн механикжсан үтрэм;
• Төмс, хүнсний ногооны механикжсан агуулах, зоорь;
• Хүлэмжийн аж ахуй;
• Газар тариалангийн техник, тоног төхөөрөмж;
• Мөөг ашигт таримлын үйлдвэр;
• Махны үхрийн аж ахуй;
• Өсвөр мал бордох аж ахуй;
• Шувууны аж ахуй;
• Тэжээл үйлдвэрлэл;
• Зөгийн аж ахуй;
• Сүүний үхрийн аж ахуй;
• Сав баглаа боодлын үйлдвэр;
• Хүнсний боловсруулах үйлдвэрийн тоног төхөөрөмж;
• Үр тарианы гаралтай боловсруулах үйлдвэр
• Хүнсний худалдаа, махны агуулах.
°C