Их Британийн үе залгамжилсан ханхүү Уильям Ээж нарын баярыг тохиолдуулан өмнө нь хаана ч нийтлэгдэж байгаагүй гүнж Дианагийн зургийг олонд ил болгожээ. Гэр бүлийн хувийн архивт нь байсан зургийг 1984 онд авч, түүн дээр Диана 2 настай Уильям хүүтэйгээ дүрслэгджээ.
Зургийг Глостершир гүнлэгийн Хайгроув эдлэнгийн ойролцоо авч, ээж хүү хоёр талын цэцэгс дунд суугаагаар зургаа авхуулсан байна.
Ханхүү Уильям Их Британид тэмдэглэдэг Ээж нарын баярыг угтан инстаграм хуудсан дээрээ зургаа нийтлэн “Ээжийгээ өдөр бүр дурсан санагалзаж байна” гэж бичжээ.
Ард түмний гүнж гэгддэг Диана гүнж 1997 онд 36 настайдаа автомашины ослоор амиа алдсан юм. Хэрвээ тэрээр амьд ахуй байсан бол энэ жил 65 нас хүрэх байжээ. Диана гүнжийг золгүй ослоор амиа алдах үед түүний хүү Уильям 15 настай, бага хүү Харри 12 настай байжээ.
°C