Улсын Нэгдүгээр Төв Эмнэлэг, Бөөр шилжүүлэн суулгах үндэсний багийнхан АШУҮИС-ийн Монгол-Японы эмнэлэг болон тус эмнэлгийн Бөөр шилжүүлэн суулгах баг хоорондын хамтын ажиллагааны санамж бичигт хамтран ажиллах гарын үсэг зурлаа. АШУҮИС-ийн Монгол-Японы эмнэлэг нь их сургуулийн эмнэлгийн төрөлжсөн тусламж үйлчилгээг өргөжүүлэх, оношилгоо эмчилгээний шинэ технологийг нутагшуулах стратегийн зорилтынхоо хүрээнд энэхүү хамтын ажиллагааг Улсын Нэгдүгээр Төв Эмнэлэгтэй эхлүүллээ.
Хамтын ажиллагааны гэрэээнд УНТЭ-ийн ерөнхий захирлын албан үүргийг түр орлон гүйцэтгэгч П.Анхтуяа, АШУҮИС-ийн Монгол-Японы эмнэлгийн захирал П.Баясгалан нар гарын үсэг зурлаа.
Эмнэлэг хоорондын хамтын ажиллагааг нэвтрүүлсэнээр АШУҮИС-ийн Монгол-Японы эмнэлгийн бөөр шилжүүлэн суулгах багийн мэс заслын эмч, бөөр судлал, анатомийн эмгэг судлаач эмч, сувилагч болон эмнэлгийн мэргэжилтнүүдийг сургаж, чадавхжуулахын зэрэгцээ бөөр шилжүүлэн суулгах тусламж үйлчилгээний хүртээмжийг нэмэгдүүлэх чухал ач холбогдолтой юм.
°C