АНУ-ын Лос Анжелес хотноо 98 дахь удаагийн Оскарын кино наадмын шагналтнууд тодорлоо. Америкийн Кино академийн гол шагналыг найруулагч Пол Томас Андерсоны “Тулааны араас тулаан” кино тэргүүлж, нийт 6 төрөлд шилдгээр шалгарсны дотор “шилдэг бүтээл”, “шилдэг найруулга” номинацид тэргүүллээ.
Оскарын 2026 оны шилдэг эрэгтэй жүжигчний шагналыг Майкл Б.Жордан (“Sinners) , эмэгтэй шилдэг дүрийн шагналыг Ирландын дуучин, жүжигчин Жесси Бакли (“Hamnet”) хүртэн, “Путины эсрэг хэн гуай” кино шилдэг баримтат киноны шагнал хүртлээ.
Найруулагч Дэвид Боренстайн болон Павел Таланкин нарын бүтээл Орос орны тухай өгүүлэх “Путины эсрэг хэн гуай” кино BAFTA кино наадмын шилдэг баримтат киногоор шалгарч байсан бол Оскарын наадамд мөн
тэргүүллээ.
Энэ жилийн Оскарын наадамд “Sinners” кино хамгийн олон буюу нийт 16 төрөлд нэр дэвшсэн бол “Тулааны араас тулаан” кино 14 номинацид өрсөлджээ. Эдгээр хоёр кино эцэст нь Оскарын дийлэнх шагналыг хүртэж, “Тулааны араас тулаан” кино 6 Оскар авч, харин “Sinners” кино 4 шагналын эзэн болжээ.
“Аватар: гал ба үнс” кино Оскарын шилдэг visual effect-тэй киноны шагнал хүртэж, Норвегийн “Sentimental Value” кино гадаад хэл дээрх шилдэг бүтээлээр нэрлэгдлээ.
Оскарын шилдэг хүүхэлдэйн киногоор Netflix стриминг платформ дээр хамгийн их үзэлттэй байгаа “KPop-шулмын ангуучид” кино шалгарчээ.
°C