Ираны дайнаас шалтгаалан агаарын тээврийн төлбөр, зардал огцом өсч байна. Персийн булангийн улс орнууд 2026 оны 2-р сард Ираны дайн эхэлснээс хойш агаарын орон зайгаа хааснаас олон улсын агаарын нислэгийн хуваарьт өөрчлөлт орж, аюултай бүсийг тойрон илүү холын зайгаар нислэг үйлдэх шаардлагатай болжээ.
Саудын Арабын тал Ирак болон Персийн булангийн бүстэй залгаа агаарын хилээ хааж, Арабын Нэгдсэн Эмират болон Катар улсууд агаарын орон зайгаа аюулгүй байдлын дэглэмд шилжүүлсэн.
Түүнчлэн Ираны дайнтай холбоотойгоор түлш шатахууны үнэ нэмэгдэж байгаагаас агаарын нислэгийн үнэ огцом өссөн байна. Тээвэр хийж байгаа агаарын тээврийн компаниуд илүү аюулгүй буюу тойруу замаар нислэг үйлдэх шаардлагтай байгаагаас тийзний үнэ нэмэгджээ.
Өнөөдөр олон улсын агаарын тээврийн компаниуд Арабын хойг болон Кавказ (Гүрж)-ын агаарын тээврийн замыг голчлон сонгож байна. Энэ нь Орос болон Ираны нутаг дэвсгэрийн дундуурх маш нарийн зурвас агаарын зам юм.
Ираны эсрэг дайн эхэлснээс хойш агаарын түлшний үнэ баррель нь 85-90 ам.доллар байсан нь 150-200$ болж өсчээ.
Үүнийг дагаад агаарын нислэгийн тийзний үнэ энгийн үеийнхээс бараг хоёр дахин нэмэгдээд байна.
Air India, Air New Zealand, Hong Kong Airlines, Scandinavian Airlines зэрэг агаарын тээврийн компаниуд булангийн орны улс орнуудыг зорих нислэгийн тийзний үнээ нэмж байгаагаа тухайгаа мэдэгджээ.
°C