Жил бүрийн 3-р сарын гурав долоо хоногийн мягмар гарагт тэмдэглэдэг “Дэлхийн нийгмийн ажилтны өдөр”-ийг энэ жил Монгол Улсад “Хуваагдсан нийгмийг нэгтгэхэд найдвар, эв нэгдлийг хамтдаа бүтээе” уриан дор тэмдэглэж байна.
Өнөө цагт нийгмийн ажилтан нь хувь хүн, гэр бүл, хүүхэд, ахмад настан, хөгжлийн бэрхшээлтэй иргэд зэрэг нийгмийн эмзэг бүлгийн хүмүүст хамгийн түрүүнд хүрч ажиллан, тэдэнд тулгарч буй асуудлыг шийдвэрлэхэд дэмжлэг үзүүлэн, тэдний эрхийг хамгаалах, нийгмийн үйлчилгээ авах боломжийг бүрдүүлэхийн төлөө ажилладаг гол хүн юм.
Нийгмийн ажилтнууд зөвхөн тусламж үзүүлэхээс гадна зөвлөгөө өгөх, зуучлах, нийгмийн асуудлыг судлах, урьдчилан сэргийлэх ажлыг зохион байгуулж, хүн бүрийн оролцоотой, тэгш боломжтой нийгэмд амьдрахад дэмжлэг үзүүлдэг байна.
°C