Хот байгуулалт, барилга, орон сууцжуулалтын сайд М.Бат-Амгалан мэдээлэл хийлээ.
Тэрбээр “Иргэдэд төрийн орон сууцыг зарах, борлуулах журам сүүлийн арав гаруй жил шинэчлэгдээгүй байсан. Ингэснээр тэнд амьдрах, цаашид эрх зүйн орчныг зохицуулах, сайжруулах хуулиар мөрдөх боломж бололцоогүй болсон. Энэ журмыг бид амжилттай батлуулсан. Өнгөрсөн жил 1526 орон сууц ашиглалтад орсон.
2026 оны төрийн орон сууцны гол төсөл бол “Солонго-1, 2” энэ нь нийтдээ 5002 айлын орон сууцын бүтээн байгуулалт хийгдэнэ. Энэ жилийн тухайд 50 хувь нь буюу 2500-2600 орчим өрхийг, 2026 оны хоёрдугаар улирал гэхэд 5002 айлыг оруулахаар төлөвлөсөн.
БНХАУ-тай хамтарч буй “Ногоон нуур” 1008 айлын орон сууцыг энэ журам гарснаар түрээслээд өмчлөх хэлбэрээр айлууд орж, түрээслэх, түрээслээд өмчлөх, мөн газраа байраар солих боломж бүрдэж байна. Цаашлаад газар хаана байж болох вэ, тэнд барилга барихаар бүсчилсэн журмын дагуу хэрэгжүүлнэ. Нийслэл Улаанбаатар хотын 2040 оны хөгжлийн төлөвлөгөөтэй уялдуулна.
Түрээсийн орон сууцны үнийн тухайд орон нутагт 1 м.кв нь 4500 төгрөг, харин Улаанбаатар хотод 6000 төгрөг байсан. Өнөөдрийн зах зээлийн ханшаар тооцоход 50 м.кв байр хуучин стандартаар 300 мянган төгрөгийн үнэтэй байв. Бидний журам батлагдсанаар нийслэл Улаанбаатар хотод хөдөлмөрийн хөлсний доод хэмжээг 1.5–2 хувиар тооцох, мөн холбогдох зохих журмуудыг тусгасан. Тус журмуудын хүрээнд түрээсийн орон сууцны үнийг 1 м.кв тутамд 11000–15000 төгрөг байхаар зохицуулсан.
УИХ-ын хаврын чуулганаар салбар яамны зүгээс томоохон дөрвөн төслийг өргөн барихаар бэлдэж байна. Барилгын тухай хууль 2016 оноос хойш шинэчлэгдээгүй. Энэ хуулийг шинэчлэн баталснаар барилгын үнэ өртгийг тодорхой хэмжээнд бууруулах, мөн шинэчлэн барих ажлууд хийгдэх боломж бүрдэнэ. Хамгийн гол нь өнгөрсөн хугацаанд энэ хууль шинэчлэгдээгүйгээс 76 зүйл, заалтад хуулийн хийдэл үүссэн. Барилгын тухай хууль нарийвчилсан биш байдгаас үүдэн маш олон иргэн хохирч байгаа. Дараагийн хууль нь Орон сууцжуулалтын анхдагч хууль. Түүнийг дагуулаад Орон сууцжуулалтын банкны тухай хууль буюу нэг амьтай хоёр хуулийн төслийг өргөн барихаар бэлдэж байна. Эдгээр хуулийг дөрөвдүгээр сарын 15-ны өдөр өргөн барина” гэв.
°C