2026 оны 3-р сарын 20-ны өдөр дэлхий дээр соронзон орны хүчтэй шуурга мэдрэгдэж болзошгүйг Оросын ШУА-ийн Сансрын судалгааны хүрээлэн мэдээллээ. Энэ нь сүүлийн 2 сарын байдлаарх хамгийн хүчтэй үзэгдэл болж ажиглагдах төлөвтэй байгаа юм.
Наран дээрх хүчтэй дэлбэрэлтээс үүдсэн плазмын урсгал дэлхийд нөлөөлж, нарны гадаргууд титэмт нүхнүүд үүссэнээр соронзон шуурга дэгджээ.
Сансрын судалгааны хүрээлэнгийн мэдээллээр энэ удаагийн шуурга 3-р сарын 20-ны өдөр G2 буюу ойролцоогоор 5-6 баллын хүчтэй мэдрэгдэх бол 21-ний өдөр гео-соронзоны орны нөлөөлөл 5-6 баллд хэвээр байх нь ээ. Харин 22-24-ний өдрүүдэд багасч 4-5 баллд шилжих төлөвтэй байна. Түүнчлэн соронзон шуурганы нөлөөлөл 25-26-ны өдрүүдэд, мөн 30-31-ний өдрүүдэд үргэлжлэн ажиглагдаж болзошгүй байна.
Тиймээс зүрх судасны өвчтэй, байгалийн үзэгдлийн нөлөөнд автамтгай хүмүүст толгой эргэх, дотор муухайрах, ядрах, ажлын бүтээмж муудах, архаг хууч өвчин сэдрэх зэрэг шинж тэмдэг ажиглагдаж болзошгүйг анхаарна уу.
°C