Эрх чөлөөний арал Куба улсад цахилгаан эрчим хүч тасалдсан хэвээр, иргэд нь өдөр хоногийг тог цахилгаангүй өнгөрүүлж байна. Өнгөрсөн амралтын өдрүүдэд Кубад сүүлийн хагас жилийн хугацаанд 7 дахь удаагаа, мөн сүүлийн 7 хоногт хоёр дахь удаагаа цахилгаан эрчим хүч тасалджээ. Кубын эрчим хүчний системд доголдол үүссэнээс энэ улсын 10 сая хүн ам бараг бүхэлдээ тог цахилгаангүй хоцроод байна.
Америкийн талаас тавьсан хоригийн улмаас Куба улс өнгөрсөн 1-р сараас хойш түлшгүй хоцорсон. АНУ өнгөрсөн 1-р сард Кубын ойрын түнш улс орон болох Венесуэлын ерөнхийлөгч Николас Мадурог баривчилсны дараагаар Каракас Хаванад нефть болон нефтийн бүтээгдэхүүн нийлүүлэх боломжгүй болжээ.
АНУ-ын Ерөнхийлөгч Дональд Трамп Куба улсын эсрэг газрын хориг бүрэн хориг тавьсан. Үүний улмаас цахилгаан станцуудад түлш дутагдалтай хангалтгүй байгаагаас гадна Кубын эрчим хүчний систем хуучирч муудсан нь нөлөөлсөн байх магадлалтай юм.
Энэ байдлаас үүдэн Кубын эрчим хүчний UNE оператор компани цахилгааны хязгаарлалт хийхээс аргагүй болж, станцууд дээр гарч байгаа гэмтлийн улмаас арлын хэмжээнд эрчим хүчний хангамж тасалдахад хүрсэн байна.
°C