Америкийн талаас Ираны цахилгаан станцуудын эсрэг цохилт өгч, устгахаар заналхийлэхтэй зэрэгцээд Ираны иргэд гэрэл цахилгаан эрчим хүч, ундны усны хангамжгүй хоцрохоос эмээж байна.
Тегераны иргэд Америкийн тал улсынх нь эрчим хүчний объектууд руу халдлага дайралт хийхэд хүрвэл улс орон нь эрчим хүчний хомсдолд орж, ундны ус, тог цахилгаан, ахуйн хий тасалдана гэж эмээж байна.
Магадгүй үйл явдал ингэж эргэвэл иргэдийн амьдралын хэмнэл алдагдаж, банкны систем доголдохоос эхлээд өдөр тутмын аж байдалд нь сөргөөр нөлөөлнө гэж болгоомжилж байгаа юм.