Беларусийн төрийн тэргүүн Александр Лукашенко БНАСАУ-д төрийн айлчлал хийж байна.
БНАСАУ-ын удирдагч Ким Жөн Ун Беларусийн Ерөнхийлөгч Александр Лукашенког Пхёньян хотноо албан ёсоор угтан авчээ.
Угтах ёслолын үеэр хоёр улсын төрийн дууллыг эгшиглүүлж, ёслолын буудлага хийжээ. Улмаар хоёр улсын тэргүүлэгчид Пхеньян дахь Дэлхийн II дайны үеэр Солонгосыг чөлөөлсөн Улаан армийн цэргүүдийн хөшөөнд цэцэг өргөж хүндэтгэл үзүүлжээ.
Беларусийн төрийн тэргүүн Пхёньян хотод хүрэлцэн ирсэн даруйдаа Кымсусаны дурсгалын ордонд зочилж, БНАСАУ-ын удирдагч агсан Ким Ил Сен, Ким Жөн Ил нарт хүндэтгэл үзүүллээ.
А.Лукашенкогийн БНАСАУ-д хийж байгаа айлчлал нь хоёр улсын харилцааны эрх зүйн үндсийг бэхжүүлж, хоёр талын хамтын ажиллагааг идэвхжүүлэхэд хувь нэмэр оруулна гэж талууд үзэж байна.
°C