Иран улс дайныг зогсооход бэлэн гэдгээ мэдэгдлээ. Ираны Ерөнхийлөгч Масуд Пезешкиан энэ талаар мэдэгдэж, дайн тулааныг намжаан нөхцөл байдлыг тогтворжуулахын тулд Америк-Израилийн талууд юуны түрүүнд дайралтаа зогсоох нь зүйтэй гэдгийг онцолжээ. Ингэхдээ Ираны тал Америк Израилийн зүгээс халдлага дайралтаа зогсоох баталгаа авахыг хүсч байна.
Ираны удирдагч Масуд Пезешкиан Европын зөвлөлийн тэргүүн Антониу Коштатай утсаар хэлэлцэхдээ зэвсэгт мөргөлдөөн дайн тулааныг зогсоох хүсэлтэй байгаагаа хэлж, хүчирхийллийг гааруулахаас болгоомжлох нь зүйтэй гэсэн санаагаа ойлгуулжээ.
Антониу Кошта Ираны тэргүүнтэй утсаар хэлэлцсэнийхээ дараа “Ойрхи Дорнодын өнөөгийн нөхцөл байдал маш хүнд байна. Тиймээс хямрал хүчирхийллийг цааш нь гааруулахгүй байх нь зүйтэй. Үүний тулд олон улсын нийгэмлэг шаардлагатай хүчин чармайлт гаргаж, хөдлөх цаг болсон” гэдгийг тэмдэглэн хэлжээ.
Тэгвэл Америкийн Батлан хамгаалахын сайд ойрын өдрүүд Ираны дайны шийдвэрлэх цаг хугацаа байхыг онцлон, Вашингтон Ойрхи Дорнодын бүс нутаг, булангийн орнуудад улсынхаа хуурай замын цэргийн хүчнээ байрлуулах төлөвлөгөөнөөс одоогоор татгалзах бодолгүй байгаагаа илэрхийлсэн байна.
°C