“Artemis -2” хөтөлбөрийн хүрээнд сарыг зорих аялалд гарсан дөрвөн сансрын нисэгч бүхий “Orion” хөлөг дэлхийн тойрог замаас гарч, сарыг чиглэжээ.
Хүн төрөлхтөн юу чаддагаа дахин харууллаа гэж Канадын сансрын агентлагийн сансрын нисэгч Жереми Хансен хэлсэн бол НАСА агентлагийн төлөөлөгч Лори Глейз 1972 оноос хойш хүн төрөлхтөн анх удаа дэлхийн тойрог замыг орхин гарлаа гэж мэдэгджээ.
Сансрын нисэгчид ирэх даваа гарагт буюу дөрөвдүгээр сарын 6-нд саранд очих ч буухгүй бөгөөд зөвхөн дэлхийн дагуулыг тойрох юм. Тэд сарны сүүдэртэй талыг өөрийн нүдээр үзэх түүхэн дэх анхны хүмүүс болох юм.
Сарыг бүтэн тойрсны дараа “Orion” хөлөг дэлхий руу буцах замдаа гарна. Үүний тулд сарны таталцах хүчийг ашиглах аж. Төлөвлөгөө ёсоор сарыг тойрох аялал 10 хоног үргэлжилнэ.
°C