Энэ сарын 10-ны өдрөөс эхлэн цахилгаан скүүтер болон мопедын түрээсийн үйлчилгээг албан ёсоор нэвтрүүлнэ. Тэгвэл скүүтер, мопедтой холбоотой осол гэмтлээс урьдчилан сэргийлэх, хүүхдийн амь нас, эрүүл мэндийг хамгаалах зорилгоор хяналт шалгалтыг чангаруулах арга хэмжээ авч байгаа.
ТЦА-ны Урьдчилан сэргийлэх хэлтсийн ахлах мэргэжилтэн, цагдаагийн хошууч Г.Отгонтамир эрх зүйн зохицуулалт болон хязгаарлалтуудын талаар мэдээлэл өгчээ.
Тэрээр “Түрээсийн скүүтер, мопед ашиглах үйлчилгээг 16 нас хүрээгүй хүүхдэд үзүүлэхгүй байх зохицуулалт хийгдэж байна. Үйлчлүүлэгчдийн мэдээллийг E-Mongolia нэгдсэн системтэй холбож, насны хязгаарлалтыг системийн тусламжтай хянана. Хэрэв эцэг эхчүүд 16 нас хүрээгүй хүүхдэдээ цахилгаан скүүтер, мопед худалдан авч өгсөн, эсвэл өөрийн бүртгэлээр E-Mongolia системд нэвтрэн хүүхдэдээ скүүтер түрээсэлж өгсөн тохиолдолд Зөрчлийн тухай хуулийн дагуу 100 нэгжээр 100,000 төгрөгөөр торгох арга хэмжээ авна гэлээ.
°C