Нийслэлийн Баянзүрх дүүргийн зургадугаар хорооны нутаг дэвсгэрт байрлах "Гоожингийн өндөр" гэх түүхэн барилгыг сэргээн засварлана. Энэ зорилгоор УБ хотын захиргаа түүхэн барилгыг сэргээн засварлах тендер зарлахаар төлөвлөөд байна.
“Гоожингийн өндөр” гэх нэршил авсан энэ барилга нь 114 жилийн түүхтэй, 1912 онд баригдсан барилга. Улаанбаатар хотноо өнөөг хүртэл хадгалагдан үлдсэн цөөхөн түүхэн барилгын нэгийг сэргээн засварлахад ойролцоогоор 1.3 тэрбум төгрөг шаардлагатай болох гэнэ. Энэхүү барилгыг сэргээн засварлах зургийг 1988 онд гаргасан ч өнөөдрийг хүртэл энэ ажил хийгдэж эхлээгүй байна.
"Гоожингийн өндөр"-ийг нийслэлийн мэдэлд буцаан авах, сэргээн засварлах, хамгаалах маргаан гурван жилийн өмнө шүүх дээр маргаж, ямар нэгэн шийдвэр гаргаж чадалгүй болсон юм. Тэгвэл нийслэлээс газрын эзэдтэй тохиролцож, тус байшинг Улаанбаатар хотын нэр дээр шилжүүлж авсан байна.
°C