Иран улс найрсаг харилцаатай улс орнуудын хөлөг онгоцнуудаас Ормузын хоолойгоор дамжин өнгөрөх төлбөр авах болно. Энэ талаар Нур ньюс (Nour News) агентлаг мэдээлж байна.
"Иран улс Ормузын хоолойгоор нэвтрэх хөлөг онгоцнуудын аюулгүй байдлыг хангах, аюулгүй зорчих үйл явцыг хангах зорилгоор тодорхой хэмжээний хураамж авч эхэлнэ. Энэ журам нөхөрсөг сайн харилцаатай орнуудад бүгдэд хамаатай, аль нэгэн улс энэ хураамжаас чөлөөлөгдөхгүй" гэдгийг дурджээ.
Ираны Гадаад хэргийн сайдын орлогч Казем Гариб-Абадигийн хэлснээр Иран болон Оманы талууд Ормузын хоолойгоор цэргийн болон худалдааны хөлөг онгоцнууд дамжин өнгөрөх журам гаргах тухай протокол дээр хамтран ажиллаж байна.
Өмнө нь Фарс мэдээллийн агентлаг Иранын тал гадны 15 хөлөг онгоцонд Ормузын хоолойгоор дамжин өнгөрөх зөвшөөрөл олгосон тухай мэдээлж байсан. Түүнчлэн Bloomberg-ийн мэдээлснээр Иран Иракийн танкеруудад аюулгүй нэвтрэх баталгаа өгчээ.
°C