“365-ЭВДРЭЭГҮЙ ИРЭЭДҮЙГ БҮТЭЭЕ” НӨЛӨӨЛЛИЙН АЯНЫГ ЭХЛҮҮЛЛЭЭ


Нийслэлийн Иргэдийн Төлөөлөгчдийн Хурал болон Нийслэлийн цагдаагийн удирдах газар, Нийслэлийн Гэмт хэргээс урьдчилан сэргийлэх зөвлөл хамтран үе тэнгийн дээрэлхэлтийн эсрэг “365 – Эвдрээгүй ирээдүйг бүтээе” уриатай нөлөөллийн аяныг эхлүүллээ.

Энэхүү нөлөөллийн аяны зохион байгуулалтын талаар өнөөөдөр хэвлэлийн хурал хийж, сэтгүүлчдэд мэдээлэл өглөө. Хэвлэлийн хуралд НИТХ-ын төлөөлөгч Л.Хосбаяр, Цахим инновац, харилцаа холбооны яамны төлөөлөл, НЦУГ-ын цагдаагийн дэд хурандаа Д.Будзаан зэрэг холбогдох албаныхан оролцлоо.

Энэ үеэр НИТХ-ын төлөөлөгч Л.Хосбаяр “НИТХ-аас өнгөрсөн жил хүүхэд залуучуудад чиглэсэн тодорхой ажлууд хийсэн. Ялангуяа хүүхэд, гэр бүлийн хүчирхийллийн эсрэг шат дараатай ажлуудыг бодлогоор дэмжиж хэрэгжүүлсэн нь үр дүнгээ өгсөн тул энэ жил дахин холбогдох байгууллагуудтай хамтарч улсын хэмжээнд нөлөөллийн аяныг эхлүүлж байна. Өмнө “365 хоног хайрлая” аяныг хэрэгжүүлэхэд эцэг эхчүүд өдөр бүр үр хүүхдэдээ чанартай цаг гаргах нь эргээд хүүхэдтэй холбоотой гэмт хэргийн тоо буурахад чухал ач холбогдолтой гэдгийг судалгаагаар харуулсан. Иймд эцэг эх, сургууль, сурагчид, хүүхдийн төлөө байгууллагууд, төрийн байгууллагууд хамтарч ажиллахыг уриалж байна” гэв.

Цагдаагийн дэд хурандаа Д.Будзаан “Энэ оны эхний улирлын байдлаар 500 орчим хүүхэд гэмт хэргийн улмаас хохирсон байна. Ялангуяа сүүлийн саруудад 16-17 насны хүүхдүүд бие биеэ дээрэлхэх, дарамтлах, эд зүйлийг нь нэхэж айлган сүрдүүлэх, гадуурхах тохиолдлууд их байна” гэлээ.

Усын хэмжээнд 2025 онд хүүхэд хохирсон гэмт хэрэг 2339, хүүхэд үйлдсэн гэмт хэрэг 1135 бүртгэгджээ. Харин энэ оны эхний гурван сарын байдлаар хүүхдийн эсрэг үйлдэгдсэн гэмт хэрэг 518, хүүхэд үйлдсэн гэмт 311 бүртгэгдэж, 335 хүүхэд хохирсон байна.

Өнгөрсөн онд үе тэнгийн дээрэлхэлтийн шинжтэй 504 гомдол, мэдээлэл  бүртгэгдсэнээс 246 буюу 48.7 хувь нь гэмт хэргийн шинжтэй 258 буюу 51.3 хувь нь зөрчлийн шинжтэй байсан бол энэ оны эхний гурван сарын байдлаар цагдаагийн байгууллагад үе тэнгийн дээрэлхэлтийн шинжтэй 58 гомдол, мэдээлэл бүртгэгдсэнээс 26 буюу 44.8 хувь нь гэмт хэргийн шинжтэй, 32 буюу 55.2 хувь нь зөрчлийн шинжтэй хэрэг байна. Ихэвчлэн хэд хэдэн хүүхдүүд нэгдэж үе тэнгийнхээ сэтгэл санааны хувьд гэмтээх, зовоох, ялгаварлан гадуурхах, айлган сүрдүүлэх,заналхийлэх зорилготойгоор биеэр болон амаар цахим орчинд үйлдэж байгаа юм.

Иймд энэ төрлийн гэмт хэрэг, зөрчлийг бууруулах, урьдчилан сэргийлэх, соён гэгээрүүлэх зайлшгүй шаардлага үүссэн учир Цахим инновац, харилцаа холбооны яам, Нийслэлийн Иргэдийн Төлөөлөгчдийн хурал, Нийслэлийн цагдаагийн удирдах газар, Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл, хамтран “365 эвдрээгүй ирээдүйг бүтээе” уриатай дээрх нөлөөллийн улсын хэмжээнд аяныг эхлүүллээ.

Аяны хүрээнд хүүхдийн эрх, аюулгүй байдлыг хангах чиглэлээр хяналт шалгалт зохион байгуулах, хүүхдийг гэмт хэрэг, зөрчлөөс урьдчилан сэргийлэх, үе тэнгийн дээрэлхэлтийг бууруулах, энэ төрлийн шинжтэй цахим группүүпийг хаах, төлөвшил, ур чадварын сургалтуудыг зохион байгуулах юм.

 


0
angry
0
care
0
haha
0
liked
0
love
0
sad
0
wow

Шинэ мэдээ
ИПОТЕКИЙН ЗЭЭЛД ХАМРАГДАХ ӨРХИЙН ТООГ ЖИЛД 9000-ААС 25 МЯНГАД ХҮРГЭХЭЭ… 2026/11/13
“Нюанс” хамтлаг 25 жилийн түүхээ нэгэн тайзнаа эгшиглүүлнэ 2026/11/11
ХӨДӨЛГӨӨН ХЯЗГААРЛАСАН ХОНОГТ НОГДОХ АВТО ЗАМ АШИГЛАСНЫ ТӨЛБӨРИЙГ ХӨНГ… 2026/11/10
МОНГОЛ УЛСЫН ИХ ХУРЛЫН ХҮНДЭТГЭЛИЙН ХУРАЛДААН БОЛЛОО 2026/11/10
ТӨРИЙН ГУРВАН ӨНДӨРЛӨГ ИХ ЭЗЭН ЧИНГИС ХААНЫ ХӨШӨӨНД ХҮНДЭТГЭЛ ҮЗҮҮЛЛЭЭ 2026/11/10
“ЧИНГИС ХААН” ТЭРГҮҮН ЗЭРГИЙН ОДОНГ ШИНЖЛЭХ УХААНЫ АКАДЕМИД ХҮРТЭЭЛЭЭ 2026/11/10
2026 ОНЫ ӨСВӨР, ЗАЛУУЧУУДЫН ДАШТ-Д МОНГОЛ УЛС БАГААРАА 5 ДАХЬ ЖИЛДЭЭ А… 2026/11/06
ТЗИС-ИЙН ОЮУТНУУД САНКТ-ПЕТЕРБУРГ ХОТЫГ ЗОРИЛОО 2026/11/06
"ДӨРВӨН ЦАГИЙН ТАЛ, МАНДАХ НАР ЗЭРЭГ СОР БҮТЭЭЛҮҮДИЙГ ЖАЗЗ НАЙРУУЛГААР… 2026/11/06
“ЭРДЭНЭС ТАВАНТОЛГОЙ” ХК, “ЧАЛЬКО” КОМПАНИТАЙ ХАМТЫН АЖИЛЛАГААНЫ САНАМ… 2026/11/06
ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ ЕСӨН ЗОРИЛТОТ БҮЛЭГТ АНГИЛЖ,… 2026/11/06
СЭТГҮҮЛЧИД ЭЭЛЖИТ ФОРУМАА ХИЙЖ, ТУЛГАМДСАН АСУУДЛАА ХЭЛЭЛЦЭЖ БАЙНА 2026/10/30
ДАРХАНЫ ДУЛААНЫ ЦАХИЛГААН СТАНЦЫН НАСЖИЛТЫН ХУГАЦАА ХЭТЭРЧ ГЭМТЭЛ ГАРЧ… 2026/10/30
16 НАСТАЙ ОХИНЫГ ХӨНӨӨСӨН ХЭРЭГТ Ц.ДАВГАДОРЖИД ОНОГДУУЛСАН БҮХ НАСААР … 2026/10/30
ОЮУ ТОЛГОЙН ГҮНИЙ УУРХАЙН НУРАЛТАД ӨРТСӨН 13 АЖИЛТАН ЭМНЭЛГЭЭС ГАРЧЭЭ 2026/10/30
“УЛААНБААТАРЫН ҮДЭШ” ДУУНЫ ХӨГЖМИЙГ ЗОХИОСОН УРЛАГИЙН ГАВЬЯАТ ЗҮТГЭЛТЭ… 2026/10/30
III УЛИРЛЫН НӨАТ-ЫН БУЦААН ОЛГОЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ 2026/10/30
ЕБС-ИЙН СУРАГЧИД ӨНӨӨДӨР ХИЧЭЭЛЛЭЭД АМАРНА 2026/10/30
ЕРӨНХИЙ САЙД Н.УЧРАЛ ИБУИНХУ ЭЛЧИН САЙД ЭДВИН САМУЭЛИЙГ ХҮЛЭЭН АВЧ УУЛ… 2026/10/30
“1000 СЭТГҮҮЛЧИЙН ФОРУМ” МАРГААШ БОЛНО 2026/10/29