2026 оны эхний улиралд хууль бус ан агнууртай тэмцэх, урьдчилан сэргийлэх зорилгоор улсын хэмжээнд хяналт шалгалт зохион байгуулж, 700 орчим иргэн, аж ахуйн нэгжийг хамруулжээ. Шалгалтаар нийт 165 зөрчил илрүүлж, 25 зүйлийн зэрлэг гахай, чоно, үнэг, загас зэрэг 669 бодгаль амьтныг хууль бусаар агнасныг тогтоолоо. Зөрчил гаргасан 165 иргэнд нийт 48 сая төгрөгийн торгууль, 204.1 сая төгрөгийн нөхөн төлбөр ногдуулжээ. Сүүлийн жилүүдэд хууль бус ан агнуур буурахгүй хэвээр байгаа учир иргэдийг зөвшөөрөлтэй ан хийх, хориглосон хугацаанд агнуур эрхлэхгүй байх, гарал үүсэл нь тодорхойгүй ан амьтны бүтээгдэхүүн худалдаж авахгүй байхыг холбогдох байгууллагаас анхааруулжээ.
°C