Прокурорын байгууллагаас 2025 он болон 2026 оны I улирлын байдлаар Эрүүгийн хуулийн 17.12 дугаар зүйлд заасан “Мал хулгайлах” гэмт хэргийн нийт 2.144 хэрэгт хяналт тавьжээ. Энэ хугацаанд 551 иргэн яллагдагчаар татагдаж, шүүхээс 333 хүнийг гэм буруутайд тооцон ял оноосон байна. Хэнтий, Дорнод, Архангай, Сүхбаатар аймгууд болон Улаанбаатар хотын зарим дүүрэгт энэ төрлийн гэмт хэрэг хамгийн их бүртгэгджээ. Ял шийтгэлийн хувьд 1–12 жилийн хорих ял, тэнсэн болон зорчих эрх хязгаарлах зэрэг арга хэмжээ авчээ. Мөн мөрдөн шалгах ажиллагааны явцад эд хөрөнгө битүүмжлэх, хураах замаар нийт 873 сая төгрөгийн хохирлыг нөхөн төлүүлсэн байна. Малчдад малаа байнгын хариулгатай байлгах, тэмдэгжүүлэх, хамтын хамгаалалт хийхийг анхааруулжээ.
°C