Эрчим хүч, геологи, уул уурхайн салбарын Үйлдвэрчний эвлэлийн холбооноос ажилтнуудын цалинг 30-аас дээш хувиар нэмэгдүүлэх, нийгмийн баталгааг сайжруулах шаардлага тавьж, УИХ болон Засгийн газарт ханджээ. Тэд 2026–2027 оны хамтын хэлэлцээрийн хүрээнд тохиролцоонд хүрээгүйн улмаас шаардлагыг биелүүлэхгүй бол ажил хаялт зарлахаа мэдэгдсэн байна. Сүхбаатарын талбайд болсон тайван жагсаалд Ховд, Дархан, Сэлэнгэ, Хөвсгөл, Дорноговь болон нийслэлээс нийт 17 анхан шатны хорооны 320-иод хүн оролцжээ. Тэд Засгийн газарт цалин хөлс тооцох итгэлцүүрийг шинэчлэх зэрэг 12 санал гаргасан ч тохиролцоогүй байна. Тиймээс Засгийн газар болон Эрчим хүчний яамнаас цалин нэмэх, нийгмийн баталгааг хангах асуудлыг яаралтай шийдвэрлэхийг хүсчээ.
°C