Үнэт цаасны зах зээлийн арилжаагаар 2026 оны эхний улиралд 269.5 тэрбум төгрөгийн гүйлгээ хийж, өмнөх оны мөн үеэс 97 тэрбум төгрөгөөр өсжээ. Үнэт цаасны нийт гүйлгээний 52 хувь нь анхдагч зах зээлийн гүйлгээ, 48 хувь нь хоёрдогч зах зээлийн гүйлгээ байгаа юм. Үнэт цаасны гүйлгээний 36.2 хувийг хөрөнгөөр баталгаажсан үнэт цаас, 25.5 хувийг компанийн хувьцаа, 22.2 хувийг Засгийн газрын бонд, 15.8 хувийг компанийн бонд, 0.2 хувийг хөрөнгө оруулалтын сангийн нэгж эрх тус тус эзэлж байна. Арилжсан үнэт цаас 2026 оны эхний улиралд 111.6 сая ширхэг болж, өмнөх оны мөн үеэс 159.9 сая ширхгээр буурчээ. Нийт арилжсан үнэт цаасны 1.3 хувь нь анхдагч зах зээлд арилжигдсан, 98.7 хувь нь хоёрдогч зах зээлд арилжигдсан талаар Үндэсний статистикийн хорооноос мэдээллээ.
°C