Өнгөрсөн амралтын өдрүүдэд өргөн хэрэглээний барааны үнэ 300–400 төгрөгөөр өсчээ. Ялангуяа гурилан бүтээгдэхүүн 15–23 хувиар өссөнөөр 6500–12.000 төгрөгийн хооронд хүрч, гурилын үнэ килограмм тутамд 50 төгрөгөөр нэмэгджээ. Мөн тамхины үнэ дунджаар 300 төгрөгөөр өссөн байна. Үнийн өсөлтөд шатахууны үнийн нэмэгдэл голлон нөлөөлжээ. Түүнчлэн дизель түлшний үнэ өмнөх сард литр тутамд 1100 орчим төгрөгөөр өссөн нь тээвэр, үйлдвэрлэлийн зардлыг нэмэгдүүлсэн байна. Үүнээс гадна махны үнэ огцом өсөж, үхрийн мах нэг сарын дотор 28 мянгаас 36 мянган төгрөгт хүрлээ. Сүүлийн жилүүдэд хүнсний бүтээгдэхүүний үнэ тасралтгүй өссөн үзүүлэлттэй байгаа юм. Тухайлбал, таван жилийн хугацаанд гэхэд төмс 124.1%, гурил 111.5%, ургамлын тос 80.3%, өндөг 50.5%-иар тус тус нэмэгджээ.
°C