Унгарын шинэ засгийн газар Олон Улсын Эрүүгийн Шүүхийн бүрэлдэхүүнээс гарах үйл явцыг зогсоох хүсэлтэй байгаагаа мэдэгдлээ. Унгарын парламентын сонгуульд ялалт байгуулсан Тиса намын удирдагч Петер Мажар энэ үйл явцыг ирэх 6-р сарын 2-ноос өмнө шийдвэрлэнэ гэдгээ мэдэгдсэн байна.
Тиса намын эмхлэн байгуулсан шинэ засгийн газар Олон улсын Эрүүгийн шүүх байгууллагаас гарах үйл явцыг түр зогсоож, Унгар улс Олон Улсын шүүх байгууллагын гишүүн хэвээр үлдэхийг зорьж байна" гэж П.Мажар хэвлэлийн бага хурал дээр мэдэгджээ..
ОУЭШ-ийн гишүүн улс орнууд байгууллагын захирамжийг биелүүлж, шүүхээс баривчлах ордер гарсан хүмүүсийг өөрийн нутаг дэвсгэртээ саатуулах үүрэг хүлээдэг. Тэгвэл олон улсын эрүүгийн шүүхээс 2024 онд Израилийн ерөнхий сайд Беньямин Нетаньяхуг баривчлах ордер гаргаж байжээ.
Унгарын экс ерөнхий сайд Виктор Орбаны засгийн газар Олон Улсын Эрүүгийн Шүүхээс (ОУЭШ) гарахын төлөө санал хураалт явуулж соёрхон баталсан юм. Орбан энэ шийдвэрээ Олон улсын Эрүүгийн шүүх байгууллага төвийг сахихаас илүүтэй хэт улстөржсөн байгууллага болж хувирсан гэж шалтгаанаар эгнээнээс нь гарах шийдвэр гаргаж байжээ. .
°C