АНУ-ын Ерөнхийлөгч Дональд Трамп Ираны эсрэг гал зогсоох хэлэлцээрээ сунгах эсэхээс үл хамааран Тегеран Вашингтоны эсрэг шийдвэртэй алхам авах нь зүйтэй гэж энэ улсын Парламентын спикерын зөвлөх Мехди Мохаммади үзэж байна.
Өмнө нь АНУ-ын Ерөнхийлөгч Дональд Трамп Пакистаны хүсэлтээр Иран руу хийх дайралтаа хойшлуулахаар шийдсэн ч энэ улсын эсрэг тэнгисийн хориг саад, бүслэлтээ үргэлжлүүлнэ гэдгээ мэдэгдсэн. Энэ хооронд Америкийн тал Ойрхи Дорнод дахь байлдааны бэлэн байдлаа хэвээр хадгалж байгаагаас Ираны тал болгоомжлох нь зүйтэй гэж үзэж байгаа юм.
"Трампын Ирантай гал зогсоох хэлэлцээрийг сунгах эсэх шийдвэр үнэндээ ямар ч хамааралгүй. Энэ тохиолдолд ялагдсан тал өөрийн нөхцөл шаардлагаа тавих боломжгүй болно. Тиймээс тэнгисийн бүслэлтээ үргэлжлүүлэх нь халдлага дайралт хийж байгаагаас ялгаагүй учраас Иран улс Америкийн эсрэг шийдвэртэй алхам авах нь зүйтэй. Америкийн тал энхийн яриа хэлэлцээрийг сунгаснаараа зөвхөн цаг хожихыг л тэмүүлж байна гэж Мохаммади нийгмийн X сүлжээнд бичжээ.
°C