Орос болон Умард Солонгосын газар нутгийг холбох Туманная гол дээгүүр баригдаж байгаа авто зам бүхий гүүрийн барилгын ажил үргэлжилж, гүүрийн дам нурууг холбох ёслол болжээ.
Туманная гол дээгүүрх гүүр хоёр улсын хооронд анхны авто замыг холбосон стратегийн чухал ач холбогдол бүхий байгууламж болж байгааг Оросын Зам тээврийн сайд Андрей Никитин тэмдэглэж байна.
Авто замын гүүр баригдсанаар Орос, Умард Солонгосын талыг холбосон чухал байгууламж баригдаад зогсолгүй мөн хоёр улсын худалдаа, тээвэр ложистикийн харилцааг тэлж, цаашлаад бүхий л салбарын хамтын ажиллагааг хөгжүүлэх боломж бүрдэнэ гэж харж байгаа юм.
Гүүрийг барих ажлыг одоогоос жилийн өмнө 2025 оны 4-р сарын 30-нд ОХУ-ын Засгийн газрын тэргүүн Михаил Мишустин болон Умард Солонгосын сайд нарын танхимын тэргүүн Пак Тхэ Сон нар албан ёсоор эхлүүлж, шав тавьсан юм.
Энэ зун нээлтээ хийж ашиглалтанд орох гүүр нь нийтдээ 5 км үргэлжлэх байгууламж, үүнээс гүүр нь 1 км урттай байх юм. Гүүрийг барихад 5 мянган тонн ган төмөр хийц, 9 мянган куб/м бетон зуурмаг оржээ.
°C