Франц улсад болсон “Их долоо” байгаль орчны сайд нарын уулзалтад Монгол Улс урилгаар оролцлоо. Манай улс COP17-г зохион байгуулахтай холбоотойгоор цөлжилттэй тэмцэх туршлага, усны нөөц, бэлчээрийн нөхөн сэргээлт, ногоон шийдлийн санаачилгаа танилцуулж, “Тал хээрийн төлөвлөгөө”-г дэвшүүлжээ. Байгаль хамгааллын санхүүжилтийг нэмэгдүүлэх, биологийн олон янз байдлыг хамгаалах хөрөнгө оруулалтыг үр дүнтэй болгох хүрээнд Монгол Улсын тал 2030 он хүртэл ойролцоогоор 810 сая ам.долларын санхүүжилт хэрэгтэйг танилцууллаа. Мөн Франц, БНСУ, Кени, Итали зэрэг улстай хоёр талт уулзалт хийж, байгаль орчны чиглэлээр хамтын ажиллагааг өргөжүүлэх талаар санал солилцсон байна.
°C