Нийслэлийн зургаан дүүрэгт 2026 оны нэгдүгээр ээлжийн цэрэг татлага маргааш эхлэх гэж байна. Цэрэг татлага маргааш буюу 5-р сарын 1-ний өдөр эхэлж 5-р сарын 3-ны өдөр өндөрлөх юм. Энэ талаар НЗДТГ-ын Цэргийн штабын дарга Г.Ялалт хэлэхдээ “Хөдөө орон нутагт зарлан дуудах хуудас авсан иргэд цэрэг татлагын байранд очих боломж олгож байгаа. Өөрөөр хэлбэл хөдөө, орон нутагт цэрэг татлагад хамрагдаж амжаагүй бол Улаанбаатар хотын цэрэг татлагын байруудад очиж хамрагдаж болно” гэсэн юм.
Тухайн иргэн хугацаат цэргийн албыг өөрийн биеэр хаах боломжгүй бол шалтгааныг тодорхойлсон баримт бичигтэй очих шаардлагатай юм байна. Тухайлбал ар гэр болон дүү нараа асардаг бол тухайн хорооны ам бүлийн тодорхойлолт, эрүүл мэндийн шалтгаантай бол хамгийн сүүлд эмнэлэгт үзүүлсэн эмчийн үзлэгийн хуудас, баримт бичиг, өргөдөлтэй байх ёстой.
Энэ удаагийн цэрэг татлагад хамрагдсан иргэд хилийн болон дотоодын цэргийн анги салбарт алба хаах юм байна.
Цэрэг татлага болох байрршлууд:
1. Баянгол дүүрэгт - 96-р сургууль
2. Баянзүрх дүүрэгт - 14-р сургууль
3. Сүхбаатар дүүрэгт - 3-р сургууль
4. Сонгинохайрхан дүүрэгт - 83-р сургууль
5. Чингэлтэй дүүрэгт - 5-р сургууль
6. Хан-Уул дүүрэгт - 34-р сургууль
°C