Аяллын хөлөг онгоц дээр хантавирусийн халдвар дэгдсэнтэй холбогдуулан Дэлхийн эрүүл мэндийн байгууллага шуурхай арга хэмжээ авч байна гэж мэдэгджээ. Аргентинаас Кабо Верде улсыг чиглэж явсан “MV Hondius” аяллын хөлөг онгоцонд хантавирусийн халдварын шинж тэмдэг илэрсэн зорчигчдод эмнэлгийн тусламж үзүүлэх, нүүлгэн шилжүүлэх, нийгмийн эрүүл мэндэд учрах эрсдэлийг үнэлэх зэрэг арга хэмжээг зохион байгуулж байгаа ба биеийн байдал тогтвортой байна гэж Кабо Верде улсын эрүүл мэндийн яам мэдэгджээ. Аяллыг хөлөг тус улсын эрэг орчим зогсож байгаа юм.
Атлантын далайн арлын улсын эрх баригчид “MV Hondius” хөлөгт зорчигчдыг буулгах зөвшөөрөл олгоогүй байна. Техникийн болон халдвар хамгааллын үнэлгээн дээр үндэслэн нийт 147 зорчиг болон багийн гишүүн бүхий хөлөг онгоц дээр хоёр хүний халдвар батлагдаж, таван хүнд хантавирусийн халдварын шинж тэмдэг илэрснийг тогтоосон бөгөөд тэдний биеийн байдал тогтвортой байна гэж мэдээлжээ.
Өнгөрсөн ням гарагт ““MV Hondius” аяллын хөлөг Аргентинаас Канарын арлын чиглэлд гарч, Өмнөд Атлантын далайн хэд хэдэн аралд очиж, зорчигчид зэрлэг ан амьтдыг үзэж сонирхжээ. Аяллыг зохион байгуулагч “Oceanwide Expeditions” компанийн мэдээлснээр, 3 хүн нас барсан ба нэг зорчигчийн цогцос хөлөг дээр байсаар байна. Хөлөгт халдвар гарсан мэдээллийн дараа Кабо Верде улсын усан хилийн бүсэд орсон байна. Мөн шаардлагатай тохиолдолд агаараар нүүлгэн шилжүүлэх арга хэмжээ авахаар бэлтгэл ажлыг хангаад байна.
Хантавирус нь гол төлөв жижиг биетэй сүүн тэжээлтэнд халдварладаг ч хүнд халдварлах тохиолдог гардаг байна. Хүнд хэлбэрийн халдвар нь уушги гэмтэх, зүрхний дутагдал, өндөр халуурах зэрэг шинж тэмдэг илэрдэг байна
°C