Арабын Нэгдсэн Эмиратын Агаарын довтолгооноос хамгаалах хүчин Ираны талаас харвасан пуужинг замаас нь устгасан талаар энэ улсын Батлан хамгаалах яамнаас мэдээллээ. Албаны мэдээлэлд дурьдсанаар Эмиратын усан хилд нэвтэрсэн Ираны гурван пуужинг замаас нь устгаж, 4 дэх пуужин байндаа хүрэлгүй тэнгисийн усанд унасан байна.
РИА Новости агентлагийн мэдээлснээр дээрх явдлын улмаас Фужейра эмират дахь газрын тосны үйлдвэрлэлийн бүсэд гал гарч, аврагчид шуурхай ажиллан унтраажээ. Мөн Абу Даби болон Дубай хотын оршин суугчдад агаарын довтолгооны сэрэмжлүүлэг мэдээлэл хүргэж, энэ өдөр нийтдээ хоёр удаа агаарын түгшүүр зарласан байна.
Эмиратад агаарын түгшүүр зарласан мэдээлэлтэй зэрэгцээд дэлхийн таваарын бирж дээр газрын тосны үнэ өсч, Брент маркийн нефтийн үнэ баррель нь 114 долларт хүрсэн байна.
°C