Хятадын Хунань мужийн Люян хотод баярын салют үйлдвэрлэдэг үйлдвэрийн барилгад дэлбэрэлт болсноос 20-иод хүн амиа алдсан золгүй явдал болжээ. “Хуашен” үйлдвэрт болсон золгүй явдлын улмаас 60 гаруй хүн гэмтэж түлэгдсэн байна.
Орон нутгийн эрх баригчид нь дэлбэрэлт болсон газар луу 1,500-аад хүний бүрэлдэхүүнтэй аврах баг илгээжээ. Мөн түүнчлэн хүн хүрэх боломжгүй газрууд руу тусгай робот оруулж аврах ажиллагаа явуулсан байна.
Аврах болон эрэн хайх ажиллагааны үеэр үйлдвэрийн тэсэрч дэлбэрэх бодис хадгалдаг хоёр агуулахад дэлбэрэлтийн дараа гарсан гал хүрч болзошгүй байсан учраас өндөржүүлсэн байдалд ажилласан байна.
Түүнчлэн аврах ажиллагааны үеэр үйлдвэрийн барилгаас 3 км радиус доторх газраас иргэдийг аюулгүй газарт нүүлгэн шилжүүлжээ.
°C